Kafedra haqida
Biologiya kafedirasi kafedrasi Qo‘qon davlat universitetining yetakchi kafedralaridan biri hisoblanadi.
Kafedra missiyasi — biologiya sohasida zamonaviy bilim va innovatsion yondashuvlar asosida yuqori malakali mutaxassislarni tayyorlash, ilmiy-tadqiqot ishlarini rivojlantirish hamda ta’lim va fan integratsiyasini mustahkamlash orqali jamiyat taraqqiyotiga xizmat qilishdan iborat.
Fakultet
Tabiiy fanlar va iqtisodiyot fakulteti
Kafedra mudiri
Madumarov Maqsajon Jumanovich
Kafedra mudiri
Madumarov Maqsajon Jumanovich
Kafedra mudiriBiografiya va ilmiy faoliyat
Madumarov Maqsadjon Jumanovich 1984-yil 19-fevralda Farg‘ona viloyati Furqat tumanida tug‘ilgan, millati o‘zbek, partiyaviyligi yo‘q. U oliy ma’lumotli mutaxassis bo‘lib, 2010-yilda Qo‘qon davlat pedagogika institutini bakalavr, 2012-yilda esa Farg‘ona davlat universitetini magistratura bosqichi bo‘yicha tamomlagan. Mutaxassisligi — odam va hayvonlar fiziologiyasi. Biologiya fanlari bo‘yicha falsafa doktori (PhD), dotsent ilmiy unvoniga ega. Rus tilini biladi.
Mehnat faoliyatini 2001-yilda Qo‘qon yengil sanoat bo‘yicha Respublika kasb-hunar litseyida boshlagan. 2002–2004-yillarda “Qo‘qon” shirkat xo‘jaligida iqtisodchi, 2004–2007-yillarda esa Qo‘qon davlat pedagogika instituti Kimyo-geografiya fakultetida kotib lavozimida ishlagan. 2011-yildan boshlab oliy ta’lim tizimida faoliyatini davom ettirib, turli yillarda dispetcher, kabinet mudiri, o‘qituvchi-stajyor hamda o‘qituvchi lavozimlarida ishlagan. 2017–2018-yillarda Tabiiy fanlar fakultetida ma’naviy-ma’rifiy ishlar bo‘yicha dekan o‘rinbosari vazifasida faoliyat yuritgan. 2020–2022-yillarda Mirzo Ulug‘bek nomidagi O‘zbekiston milliy universiteti Biologiya fakulteti Zoologiya kafedrasida tayanch doktorant sifatida ilmiy izlanishlar olib borgan. 2022-yildan boshlab Biologiya kafedrasi mudiri vazifasini vaqtincha bajaruvchi, 2022–2024-yillarda esa kafedra mudiri, 2024–2025-yillarda ham shu lavozimda faoliyat yuritgan. 2025-yildan hozirgi kunga qadar Qo‘qon davlat universiteti Biologiya kafedrasi mudiri lavozimida ishlab kelmoqda.
Maqsadjon Jumanovich o‘zining ilmiy-pedagogik faoliyati davomida biologiya fanini rivojlantirish, ta’lim sifatini oshirish, yosh mutaxassislarni tayyorlash hamda ilmiy-tadqiqot ishlarini rivojlantirishga munosib hissa qo‘shib kelmoqda.
Kafedra tarixi
Kafedra 1980-yilda “Umumiy biologiya” nomi bilan tashkil etilgan. 1992-yilda institut qoshida yangi kimyo-biologiya mutaxassisligi ochilib, ilk bor talabalar qabul qilingan. 1993-yilda Umumiy biologiya kafedrasidan Kimyo kafedrasi mustaqil kafedra sifatida ajralib chiqqan. Umumiy biologiya kafedrasiga birinchi kafedra mudiri sifatida biologiya fanlari nomzodi, dotsent Erkinjon Toshpo‘latov rahbarlik qilgan.
Kafedraga turli yillarda quyidagi olimlar rahbarlik qilishgan: 1988–1994-yillar — b.f.n. Sobirjon Meliboyev; 1994–1997-yillar — b.f.n. Murodjon Namozov; 1997–1998-yillar — b.f.n., dotsent G‘ayratjon Xolmuxammedov; 1998–2001-yillar — q/x.f.n., dotsent Ibragim Yusupov; 2001–2004-yillar — b.f.n., dotsent Sobirjon Meliboyev; 2004–2010-yillar — q/x.f.n., dotsent Saminjon Usmonov; 2011–2012-yillar — katta o‘qituvchi Abduvohid Ma’murov; 2012-yil — b.f.n., dotsent Azamjon Jabborov; 2012–2015-yillar — b.f.n., dotsent Ra’noxon Mo‘minova; 2015–2021-yillar — k.f.n., dotsent Abdulatif Gapparov; 2021–2022-yillar — p.f.f.d. (PhD) Mashhuraxon Isaboeva. 2022-yil aprel oyidan boshlab biologiya fanlari bo‘yicha falsafa doktori (PhD) Maqsadjon Madumarov Jumanovich kafedraga rahbarlik qilib kelmoqda.
Kafedra missiyasi
Kafedra missiyasi — biologiya sohasida zamonaviy bilim va innovatsion yondashuvlar asosida yuqori malakali mutaxassislarni tayyorlash, ilmiy-tadqiqot ishlarini rivojlantirish hamda ta’lim va fan integratsiyasini mustahkamlash orqali jamiyat taraqqiyotiga xizmat qilishdan iborat.
Kafedra o'qituvchilari
Kafedra yutuqlari
Kafedrada 19 nafar ilmiy darajaga ega xodim (shundan 12 nafari dotsent), 5 nafar katta o‘qituvchi hamda 9 nafar o‘qituvchi faoliyat olib bormoqda. 2014-yil mart oyidan kafedra “Biologiya o‘qitish metodikasi”, 2020-yil sentyabr oyidan esa “Biologiya” nomi bilan faoliyat yuritib kelmoqda.
Hozirgi kunda kafedra professor-o‘qituvchilari va magistrantlari O‘zbekiston Respublikasi Fanlar akademiyasi tasarrufidagi turli ilmiy-tadqiqot institutlari bilan hamkorlikda ilmiy izlanishlar olib borishmoqda.
Kafedrada olib borilgan o‘quv-uslubiy ishlar natijasida 20 dan ortiq o‘quv va uslubiy qo‘llanmalar hamda darsliklar nashr etilgan. Jumladan, so‘nggi yillarda kafedra professor-o‘qituvchilari tomonidan 8 ta darslik va 20 ta o‘quv qo‘llanma Oliy ta’lim, fan va innovatsiyalar vazirligining Muvofiqlashtiruvchi kengashi grifi asosida chop etilib, o‘quv jarayoniga tatbiq etilgan.
Hozirgi kunda kafedra qoshida quyidagi ta’lim yo‘nalishlari mavjud:
• 60510100 – Biologiya (bakalavriat)
• 70510901 – Aniq va tabiiy fanlarni o‘qitish metodikasi (Biologiya) (magistratura)
• 03.00.06 – Zoologiya (doktorantura)