Fakultet haqida
Fakultetda jami 108 nafar professor-o‘qituvchi faoliyat yuritadi. Ulardan 47 nafari fan nomzodi hamda falsafa doktori (PhD), 5 nafari fan doktori hisoblanadi. Shuningdek, fakultet tarkibida 5 nafar professor va 49 nafar dotsent ilmiy daraja hamda ilmiy unvonga ega professor-o‘qituvchilar faoliyat olib bormoqda. Fakultetning umumiy ilmiy salohiyati 50 foizni tashkil etadi.
Fakultetda jami 2836 nafar talaba tahsil oladi. Shundan 2297 nafari kunduzgi, 491 nafari sirtqi hamda 48 nafari masofaviy ta’lim shaklida tahsil olmoqda.
Yuksak sifatli ta'lim
Zamonaviy yondashuv
Ilmiy-tadqiqot
Innovatsion loyihalar
Amaliy yo'naltirish
Bilimni amaliyotga
Xalqaro hamkorlik
Global tajriba
Fakultet missiyasi
Gumanitar fanlar va tillar fakultetining missiyasi — milliy va umuminsoniy qadriyatlarga sodiq, keng dunyoqarashga ega, zamonaviy bilim va ko‘nikmalar bilan qurollangan, bir nechta tillarda erkin muloqot qila oladigan raqobatbardosh mutaxassislarni tayyorlashdan iborat.
Fakultet ta’lim jarayonida innovatsion yondashuvlarni joriy etish, ilmiy-tadqiqot faoliyatini rivojlantirish hamda talabalarning tanqidiy va ijodiy fikrlashini shakllantirish orqali jamiyat taraqqiyotiga munosib hissa qo‘shishni maqsad qiladi.
Ta'lim yo'nalishlari
Fakultetda kunduzgi va sirtqi ta’lim shakllari bo‘yicha quyidagi ta’lim yo‘nalishlari mavjud:
- 60110800 — Ona tili va adabiyoti (rus tili va adabiyoti)
- 60111100 — Milliy g‘oya, ma’naviyat asoslari va huquq ta’limi
- 60220300 — Tarix
- 60220500 — Falsafa
- 60230100 — Filologiya va tillarni o‘qitish (o‘zbek tili)
- 60230100 — Filologiya va tillarni o‘qitish (rus tili)
- 60110700 — O‘zbek tili va adabiyoti
- 60111700 — O‘zga tilli guruhlarda rus tili
Rahbariyat
Jamolitdinova Dilnoza Mirxojidinovna
DekanBiografiya va ilmiy faoliyat
Raxmatullayeva Dilafruz Shuxratovna
Yoshlar bilan ishlash, maʼnaviyat va maʼrifat boʻyicha dekan oʻrinbosariBiografiya va ilmiy faoliyat
Raxmonov Elyor Abdullajonovich
Oʻquv ishlari boʻyicha dekan oʻrinbosariBiografiya va ilmiy faoliyat
Qabul jadvali
Fakultet rahbariyati har chorshanba kuni soat 14:00 - 16:00 oralig'ida qabul o'tkazadi.
Kafedralar
Yutuqlarimiz
2025–2026-o‘quv yilida Qo‘qon davlat universiteti Gumanitar fanlar va tillar fakulteti talabalari ta’lim, ilm-fan, ma’naviyat va sport yo‘nalishlarida qator yutuqlarga erishdilar. Talabalarning turli tanlov, stipendiya va ilmiy loyihalardagi muvaffaqiyatlari fakultetning ta’lim sifati hamda yoshlar salohiyatini rivojlantirish borasidagi samarali faoliyatidan dalolat beradi.
Jumladan, fakultetning 4 nafar talabasi Navoiy nomidagi davlat stipendiyasi sohibiga aylandi. “Ilhom” Respublika tanlovining universitet bosqichida fakultet vakillari 1-o‘rinni qo‘lga kiritdilar. Shuningdek, 7 nafar talaba “Yil talabasi” tanlovi sovrindori bo‘ldi.
Talabalar ma’naviy-ma’rifiy yo‘nalishlarda ham faol ishtirok etib, “Ma’rifat maydoni” tanlovining viloyat bosqichida 10 nafar talaba jamoasi 2-o‘rinni egalladi. “Milliy qadriyatlar” tanlovining viloyat bosqichida esa 10 nafar talaba 3-o‘rinni qo‘lga kiritdi.
Universitet miqyosida tashkil etilgan turli insholar tanlovlarida fakultetning 6 nafar talabasi 1-o‘rin sohibi bo‘ldi. Sport yo‘nalishida ham muhim natijalar qayd etildi. Xususan, fakultet talabasi Murodaliyev Javohir para yengil atletika bo‘yicha “O‘zbekiston kubogi” musobaqasida F-11 toifasida disk uloqtirish yo‘nalishida 3-o‘rinni egalladi.
Ilmiy faoliyat borasida ham sezilarli natijalarga erishilib, fakultet talabalarining 100 dan ortiq ilmiy maqolalari turli ilmiy jurnal va to‘plamlarda chop etildi.
Mazkur yutuqlar Gumanitar fanlar va tillar fakultetida yoshlarning bilim, tafakkur, ijodiy salohiyat va ilmiy izlanishlarini qo‘llab-quvvatlashga qaratilgan tizimli ishlar samarasi ekanini namoyon etadi.
Ta'lim yo'nalishlari
Talabalar hayoti
Ma'lumotlar tez orada qo'shiladi.